Энергетика

Энергетикалык өнүгүү багытындагы эл аралык конкурста кыргызстандык сыйлыкка ээ болду

Ишкер Media

30 янв. 2026 19:10

Кыргыз Республикасынын өкүлү таза энергия, энергиянын натыйжалуулугу жана туруктуу энергетикалык өнүгүү жаатындагы санариптик чечимдерди өнүктүрүүгө багытталган CECECO Clean Energy Hackathon 2026 эл аралык конкурсунда атайын сыйлыкка ээ болду.

Конкурстун алкагында 16 жаштан 35 жашка чейинки жаш адистерден жана студенттерден 200гө жакын долбоордук арыз кабыл алынган. Катышуучулар Азербайжан, Түркия, Пакистан, Казакстан, Өзбекстан жана Кыргыз Республикасынан болушкан. Сунушталган долбоорлор санариптик маалымдуулук, энергиянын натыйжалуулугу жана энергетикалык саясатты калыптандыруу үчүн аналитикалык инструменттерди иштеп чыгуу маселелерин камтыган.

Жеңүүчүлөрдү жана номинанттарды сыйлоо аземи 2026-жылдын 26-январында Азербайжандын Баку шаарындагы ADA университетинде өттү. Иш-чара Бириккен Улуттар Уюмунун Башкы Ассамблеясынын резолюциясы менен негизделген Эл аралык таза энергия күнүнө карата уюштурулду.

"CECECO өлкөлөрү үчүн ачык энергиялык маалыматтардын санариптик платформасы — Energy Transparency Hub" аттуу долбоорду Алтынбек Бакасов, "Кыргыз энергетикалык эсептөө борбору" ААКсынын электр энергиясынын баланстары жана жоготуулары бөлүмүнүн башчысынын орун басары даярдаган. Бул долбоор конкурс уюштуруучулары тарабынан жогору бааланып, "Best Technical Solution" ("Мыкты техникалык чечим") атайын номинациясына татыды.

Алтынбек Бакасов аталган эл аралык конкурсунун жыйынтыгында Кыргыз Республикасынан сыйлык алган жалгыз өкүл болду.

Мындан тышкары окуңуз

Кыргызстан менен Швейцария каржылык өнөктөштүктү чыңдоону көздөйт

Каржы министри Руслан Суйналиев Швейцариянын Экономика маселелери боюнча мамлекеттик катчылыгынын Экономикалык кызматташтык жана өнүгүү бөлүмүнүн жетекчиси, өкмөттүн соода келишимдери боюнча өкүлү Пьетро Лаццери менен жолугушту. Министрликтен билдиришкендей, тараптар Кыргызстан менен Швейцариянын ортосундагы финансылык-экономикалык кызматташуунун учурдагы абалын жана келечектеги багыттарын талкуулашты. Өзгөчө көңүл чакан экономиканы колдоо, мамлекеттик башкарууну өнүктүрүү жана

Коомдук талкуу: Баткен окуяларын "Баткен согушу" деп таануу демилгеленди

Кыргызстанда 1999–2000-жылдардагы Баткен окуяларын расмий түрдө "Баткен согушу" деп таанууну сунуштаган мыйзам долбоору коомдук талкууга коюлду. Мыйзам долбоорунун демилгечиси — эл өкүлү Болот Сагынаев. Ал "Согуштун ардагерлери, Куралдуу Күчтөрдүн ардагерлери жана ооруктагы эмгекчилер жөнүндө" мыйзамга Баткен согушунун ардагерлерин киргизүүнү сунуштоодо. Долбоорго ылайык, бул макам 1999–

Министр Балыкчы–Жалал-Абад жолунун курулуш иштерин көзөмөлдөдү

Транспорт жана коммуникациялар министри Талантбек Солтобаев Балыкчы–Жалал-Абад унаа жолунда жүрүп жаткан курулуш иштеринин көзөмөлдөдү. Бул тууралуу министрликтин басма сөз кызматы билдирди. Иш сапарынын алкагында министр кооптуу тилкелерде курулуп жаткан тирөөч дубалдардын, селден жана тоо көчкүлөрүнөн коргоочу галереялардын, ошондой эле үч жерде салынып жаткан жол тейлөө пункттарынын курулушунун жүрүшүн

Кыргызстанда 246 миңден ашык чарба жүргүзүүчү субъектти аялдар жетектейт

Экономика жана коммерция министринин орун басары Беназир Нурланова Шанхай кызматташтык уюмуна мүчө өлкөлөрдүн Аялдар форумунда өлкө экономикасындагы чакан жана орто бизнестин ордун белгиледи. Анын айтымында, бүгүнкү күндө чакан жана орто бизнес Кыргызстандын ички дүң жыйымынын 51,7%ын түзөт. Ошондой эле 823 миңден ашык чарба жүргүзүүчү субъекттин 246 миңден ашыгын