Манас шаарында жаңы көмөк чордон курулат

2026-жылы Манас шаарынын электр энергиясына болгон муктаждыгын камсыздоо максатында 110/10 кВ "Бакай" көмөк чордону курулат.  Жаңы объект калкты, социалдык объектилерди жана курулуп жаткан көп кабаттуу турак жайларды туруктуу электр энергиясы менен камсыздоого шарт түзөрүн Энергетика министрлиги билдирди.

Ошондой эле эскирген 3 энергетикалык объект жаңыланат:

• Кара-Көл РЭТинин имараты;
• Аксы РЭТине караштуу Кербен УЭТинин имараты;
• Токтогул РЭТине караштуу Үч-Терек УЭТинин имараты.

Мындан тышкары, Жалал-Абад облусу боюнча 5000 темир-бетон мамыча алмаштырылып, 270 чакырым аба чубалгысы заманбап СИП электр өткөргүчтөрүнө өткөрүлөт жана 50 даана жаңы трансформатор орнотулат.