Быйыл Чүйдө 4 көмөкчордон курулуп, 80 миңден ашык "акылдуу" эсептегич орнотулат
2026-жылы "Кыргызстан УЭТ" ААКнын филиалы — Чүй электр тармактар ишканасында бир катар энергетикалык объектилердин курулушу жана электр тармактарын жаңылоо пландалууда. Бул тууралуу Энрегетика министрлигинен билдиришти.
Атап айтканда, төмөнкү көмөкчордондор курулат:
- 110/35/10 кВ "Манас" көмөкчордону;
- 220/35/10 кВ "Чуйская" көмөкчордону;
- 110/35/10 кВ "Күн-Туу" көмөкчордону;
- 35/10 кВ "Ленинская" көмөкчордону.
Мындан тышкары, эскирген электр аба чубалгылары заманбап СИП кабелдерине алмаштырылат. Анын алкагында:
- 15,67 чакырым 10 кВ аба чубалгысы (СИП-3);
- 103,81 чакырым 0,4 кВ аба чубалгысы (СИП-2);
- 0,37 чакырым 10 кВ кабелдик линия;
- 0,15 чакырым 0,4 кВ кабелдик линия реконструкцияланат.
Ошондой эле Чүй электр тармактар ишканасынын аймагында темир-бетон мамычаларын чыгаруучу цех куруу мерчемделүүдө.
Облус боюнча 2800 даана темир-бетон мамыча алмаштырылып, 5 даана жаңы трансформатор орнотулат. Мындан сырткары 80 миңден ашуун "акылдуу" (АСКУЭ) эсептегич орнотулуп, 785 трансформатордук көмөкчордондо капиталдык оңдоо, 5176 көмөкчордондо техникалык тейлөө жүргүзүлөт.
