Ылдыйкы Тар ГЭСи курулуп, Быстровка ГЭСи реконструкцияланат

Энергетика министрлиги өлкөдөгү электр энергиясынын тартыштыгын жоюу жана гидроэнергетикалык потенциалды өнүктүрүү максатында бир катар долбоорлорду ишке ашырууда. Алардын бири — Ылдыйкы Тар ГЭСин куруу жана Быстровка ГЭСин реконструкциялоону камтыган KRED долбоору. Бул тууралуу Энергетика министрлигинен билдиришти.

2025-жылдын декабрь айында аталган объектилер боюнча техникалык-экономикалык негиздемени (ТЭН) иштеп чыгуу үчүн QingYuan Engineering Consultants Ltd. компаниясы менен консультациялык кызмат көрсөтүү жөнүндө келишимге кол коюлган.

Долбоордун алкагында 2026-жылдын январь айында "Чакан ГЭС" ААКнын кызматкерлери жана эл аралык консультанттар Ылдыйкы Тар ГЭСинин курулуш аянтчасына жана Быстровка ГЭСине жеринде барышып, объектилер менен таанышышты. Иш сапардын жүрүшүндө аймактардын табигый, инженердик-геологиялык жана гидрологиялык шарттары, ошондой эле курулуш аянтчаларынын учурдагы абалы изилденди.

Алынган маалыматтар долбоордук чечимдерди тактоо жана курулуш иштерин жүргүзүү мүмкүнчүлүктөрүн баалоо үчүн колдонулат.