Биринчи шамал электр станциясы тармакка алгачкы мегаваттарды бере баштады
Кыргызстандагы биринчи шамал электр станциясы электр энергиясын тармакка бере баштаганын социалдык тармактар аркылуу Жашыл электр станциялары ассоциациясынын төрайымы Кундус Кырбашева билдирди.
Анын айтымында, бул — сөздөн ишке өтүүнүн, ошондой эле өлкөдө шамал энергетикасын өнүктүрүүнүн жаңы баскычы болуп саналат.
Өзгөчө маанилүүсү, бул долбоорду кыргызстандык "Мэтрум ТЭК" компаниясы ишке ашырганын Кундус Кырбашева белгилеп өттү.
Эске салсак, 2025-жылы Ысык-Көл облусунда кубаттуулугу 100 мегаваттка эсептелген шамал генератору алгачкы жолу орнотулган.
Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads жана Х каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!
