Энергетика

Кыргызстанда кайра жаралуучу энергия булактары боюнча изилдөө борбору ачылды

Мелис Совет уулу

07 апр. 2026 10:23

Кыргыз мамлекеттик техникалык университетинин базасында жаңыланып туруучу энергия булактары боюнча изилдөө жана тренинг борбору ачылганын Илим, жогорку билим берүү жана инновациялар министрлиги кабарлады.

Бул демилге Швейцариянын Женева шаарында жайгашкан Булан институту (Bulan Institute for Peace Innovations) жана Кыргыз мамлекеттик техникалык университети менен биргеликте ишке ашырылды.

Аталган борбор энергетика тармагындагы адистерди даярдоону жана алардын квалификациясын жогорулатууну камсыз кылган, илимий изилдөөлөрдү жүргүзүүгө жана практикалык көндүмдөрдү өнүктүрүүгө багытталган заманбап билим берүүчү жана илимий-практикалык аянтча.

Борбордун капиталдык ремонту жана жабдуулары, ошондой эле учурда жүргүзүлүп жаткан жаңыланып туруучу энергия булактары боюнча окутууларын Булан институту каржылоодо.

Институттун директору Чолпон Орозобекова борбордун негизги максаты Кыргызстанда жашыл энергетиканын ыкчам өнүгүүсүнө салым кошуу, заманбап адистерди даярдоо жана илимий изилдөөлөрдү жүргүзүү экенин белгиледи.

Кыргыз бийлиги энергиянын альтернативдүү булактарын колдонууну көбөйтүү планын жарыялаган. 2022-жылы Жашыл энергетика фонду түзүлгөн. Фонд гидроэнергетика, күн, шамал жана башка энергиянын кайра жаралуучу булактарын өнүктүрүү багытында иштей турганы айтылган.

Мекеме 2024-жылдын июль-декабрь айларында инвесторлор менен конкурстук негизде 42 жер тилкесин ижарага берүү боюнча келишимдерди түзгөн.

Мындан тышкары окуңуз

Баткенде 1200дөн ашуун окуучу билим алган мектеп оңдолууда

Баткен районундагы Бото Нарматов атындагы инновациялык жалпы билим берүү мектеби толугу менен оңдолуп жатат. Агартуу министрлигинин маалыматына ылайык, аталган окуу жай өлкө боюнча инновациялык макам алган 53 мектептин катарына кирет. Учурда мектепте STEM кабинеттерин, спорт залды, китепкананы, мугалимдер бөлмөсүн, фойени жана санитардык түйүндөрдү оңдолууда. Ошондой эле имараттын сырты да жаңыланат.

Ысык-Көлдөгү балдардын ден соолугун чыңдоо борборлору текшерилди

Кесиптик бирликтер федерациясынын төрагасы Мурадил Жумадилде уулу Ысык-Көл облусундагы "Ден соолук" жана "Дзержинец" балдардын ден соолугун чыңдоо борборлоруна барды. Федерациянын маалыматына ылайык, иш сапардын жүрүшүндө лагерлердеги жатакана шарттары, балдардын тамактануусу, медициналык тейлөөсү жана коопсуздук чаралары текшерилди. Ошондой эле төрага лагердин кызматкерлери жана эс алып жаткан

Акыйкатчы Караколдо майыптыгы бар адамдар үчүн шарт түзүүнү талап кылды

Акыйкатчы Жамиля Жаманбаева Ысык-Көл облусунун жергиликтүү бийлик органдарын майыптыгы бар адамдар үчүн жеткиликтүү шарттарды түзүүгө жана Караколдогу авариялык абалдагы турак үйдү оңдоп-түзөөгө чакырды. Акыйкатчы институтунун маалыматына ылайык, мекеменин Ысык-Көл облусундагы өкүлчүлүгү Азиздер жана дүлөйлөр коомунун Караколдогу окуу-өндүрүштүк ишканасында байкоо жүргүзгөн. Кызматкерлер жашаган эки кабаттуу, тогуз батирлүү

Абанын ысышынан улам тоолуу аймактарда сел жүрүшү мүмкүн

Кыргызстандын тоолуу жана тоо этектериндеги аймактарында сел жүрүү жана суу ташкыны коркунучу бар. Бул тууралуу Кыргызгидромет шашылыш билдирүү таратты. Маалыматка ылайык, 9-июлдан 13-июлга чейин өлкө аймагында абанын температурасы жогорулап, тоолуу райондордо мөңгүлөр эриши ыктымал. Ал эми айрым аймактарда жаан-чачын болуп, дарыяларда суунун деңгээли көтөрүлүшү мүмкүн. Адистер жарандарды