Бишкектин айрым жерлеринде 3 күнү бою газ болбойт

“Бишкекгаз” газ кызматынын маалыматына ылайык, жер алдындагы орто басымдагы газ түтүктөрүн кайра туташтыруу иштерине байланыштуу 21-июлдан 24-июлга чейин төмөнкү аймактарда жаратылыш газы убактылуу өчүрүлөт.

Чоң Чүй каналы, Фучик көчөсү, Дорожная көчөсү, Юбилейная көчөсү, Ала-Арча дарыясы, Пригородная көчөсү, Жаш Гвардия көчөсү, Саадаев көчөсү, Школьная көчөсү, Садовый көчөсү, Коллекторная көчөсү, Новая көчөсү, Кыргыз көчөсү жана Советский көчөсү менен чектеш аймактар.

“Бишкекгаз” жаралган ыңгайсыздыктар үчүн кечирим сурап, газ өчүрүлгөн мезгилде абоненттерди энергиянын башка булактарын колдонууга чакырат.

Бул иштер жаратылыш газын коопсуз жана үзгүлтүксүз жеткирүүнү камсыз кылуу максатында жүргүзүлүүдө.