Манас шаарынын энергетикалык кубаттуулугу 25 МВАга жогорулайт
Өлкөдө энергетика тармагында масштабдуу жаңылануу жүрүүдө. Союз тарагандан бери оңдоодон өтпөгөн аба чубалгылары жаңыртылып, тармактардын кубаттуулугу жогорулатылууда. Бул тууралуу Энергетика министрлиги билдирди.
Маалымдалгандай, Манас шаарында 2025-жылы 2700дөн ашуун, 2026-жылдын 5 айында 1254 жаңы абонент кошулган. Жыл аягына чейин дагы 4000 абонентти кошуу пландалууда.
Энергетика министрлигинин тапшырмасы менен шаарда 20 чакырым 6-10 кВ аба чубалгысы капиталдык оңдолуп, СИП зымдарына алмаштырылат.
Энергетиктер жарандарды электр энергиясын үнөмдүү жана сарамжалдуу колдонууга чакырат.
