Коом

Кыргызстан менен Япония прокуратуралары укуктук кызматташууну өнүктүрөт

Айгерим Качкынбекова

12 дек. 2025 14:24

Кыргыз Республикасынын Башкы прокурорунун орун басары Н. Каимов Япониянын Юстиция министрлигине караштуу укуктук маселелер боюнча илимий-изилдөө институтунун профессору О. Даики мырза менен жолугушту. Бул тууралуу Башкы прокуратуранын маалымат кызматынан билдиришти.

Жолугушуунун жүрүшүндө тараптар Кыргыз–Япония ортосундагы укуктук чөйрөдөгү биргелешкен изилдөөнүн учурдагы этабын жана практикалык багыттарын талкуулашты. Кыргыз тарап япониялык өнөктөштөргө кылмыш сот адилеттигин санариптештирүү, активдерди кайтаруу жана коррупцияга каршы мамлекеттик стратегиянын ишке ашырылышы боюнча жүргүзүлүп жаткан иштер тууралуу маалымат берди.

Профессор О. Даики Япониянын Юстиция министрлигинин бир катар Азия мамлекеттери менен прокуратуралык кызматташуу тажрыйбасын бөлүшүп, Кыргыз Республикасынын Башкы прокуратурасы менен мындан ары өнөктөштүктү өнүктүрүүнүн маанилүүлүгүн белгиледи.

Ошондой эле япон делегациясы Башкы прокуратуранын Юридикалык академиясына барып, окуу процесси жана криминалистикалык лабораториялардын иши менен таанышты.

Жыйынтыгында тараптар кызматташууну сапаттуу жаңы деңгээлге чыгарууга даяр экенин билдиришип, укуктук чөйрөдөгү биргелешкен изилдөөнүн кезектеги этабын жүргүзүү үчүн зарыл кадамдарды макулдашты.

Мындан тышкары окуңуз

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”