Араван–Ак-Буура каналы реконструкцияланып жатат

Араван–Ак-Буура каналы реконструкцияланып жатат

Бүгүнкү күндө Араван–Ак-Буура ирригациялык системасынын суу жеткирүү инфраструктурасы этап-этабы менен жаңыланууда. Реконструкциянын алкагында суу алуучу курулмалар, магистралдык каналдар жана бөлүштүрүүчү тармактар оңдолуп жатат. Бул тууралуу Айыл чарба министрлигинен билдиришти.

Араван–Ак-Буура каналынын жалпы узундугу 31,3 чакырымды түзүп, 21 918 гектар сугат аянтты суу менен камсыздайт. Анын ичинен 6 220 гектары жаңы өздөштүрүлүп жаткан сугат жерлер болуп саналат.

Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын жетекчилиги Ош облусуна болгон иш сапарынын алкагында каналдын реконструкция иштеринин жүрүшү менен жеринде таанышты.

Иш сапардын жүрүшүндө реконструкциялоо иштери оң бааланып, сугат инфраструктурасын жакшыртуу аймактын суу менен камсыз болушун арттырып, айыл чарбаны өнүктүрүүгө өбөлгө түзөрү белгиленди.

Мындан тышкары, жетекчилик Папан суу сактагычына барып, учурдагы абалын, коопсуздук чараларын жана алдыда аткарыла турган иштерди карап чыгып, тиешелүү тапшырмаларды берди.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Кыргызстандын тышкы соодасынын көлөмү 14,1 млрд долларды түздү

Жарандык абалдын актылары жөнүндө мыйзамга өзгөртүүлөр киргизилди

Чаткалда алтынды мыйзамсыз казууга байланыштуу төрт адам кармалды

Бишкекте дем алыш күндөрү милицияга 260тан ашуун жаран жеткирилди

"Ош-Тазалык" ишканасына жаңы атайын техникалар тапшырылды