Коом

Араван–Ак-Буура каналы реконструкцияланып жатат

Айгерим Качкынбекова

Араван–Ак-Буура каналы реконструкцияланып жатат

Бүгүнкү күндө Араван–Ак-Буура ирригациялык системасынын суу жеткирүү инфраструктурасы этап-этабы менен жаңыланууда. Реконструкциянын алкагында суу алуучу курулмалар, магистралдык каналдар жана бөлүштүрүүчү тармактар оңдолуп жатат. Бул тууралуу Айыл чарба министрлигинен билдиришти.

Араван–Ак-Буура каналынын жалпы узундугу 31,3 чакырымды түзүп, 21 918 гектар сугат аянтты суу менен камсыздайт. Анын ичинен 6 220 гектары жаңы өздөштүрүлүп жаткан сугат жерлер болуп саналат.

Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын жетекчилиги Ош облусуна болгон иш сапарынын алкагында каналдын реконструкция иштеринин жүрүшү менен жеринде таанышты.

Иш сапардын жүрүшүндө реконструкциялоо иштери оң бааланып, сугат инфраструктурасын жакшыртуу аймактын суу менен камсыз болушун арттырып, айыл чарбаны өнүктүрүүгө өбөлгө түзөрү белгиленди.

Мындан тышкары, жетекчилик Папан суу сактагычына барып, учурдагы абалын, коопсуздук чараларын жана алдыда аткарыла турган иштерди карап чыгып, тиешелүү тапшырмаларды берди.

Жаңылыктар биздин Телеграмм каналда

Мындан тышкары окуңуз

Бишкектеги Киев көчөсүнүн бир бөлүгү жабылат

Бишкектеги Киев көчөсүнүн бир бөлүгү жабылат

“Бишкекжылуулуктармагы” муниципалдык ишканасы Киев көчөсү Исанов көчөсүнөн Тоголок Молдо көчөсүнө чейинки бөлүгү жабыла тургандыгын маалымдайт. Учурда ишкананын адистери тилкеде диаметри 89 мм жана 273 мм болгон жылуулук тармактарын алмаштыруу боюнча негизги иштерди аякташты. Иштерди этап-этабы менен оңдоп-түзөөнүн алкагында кийинки этап 27-июнда Киев жана Панфилов көчөлөрүнүн кесилишинде башталат.
Өлкө аймагында абанын табы 40 градуска жетери кабарланды

Өлкө аймагында абанын табы 40 градуска жетери кабарланды

Өлкө аймагында 28–29-июнда абанын температурасы кескин жогорулайт. Бул тууралуу ӨКМдин басма сөз кызматы билдирди. Өзгөчө кырдаалдар министрлигинен билдиришкендей, Чүй, Ош, Жалал-Абад жана Баткен облустарында күндүзгү температура 35–40°ка чейин жетет. Мындай ысык аба ырайынын учурунда организмди бир калыпта кармаш учун жана күн өтүп кетүүдөн сактануу үчүн:
Ноокатта 5 социалдык имараттын курулушу башталды

Ноокатта 5 социалдык имараттын курулушу башталды

Ноокат районунда беш жаңы социалдык объекттин курулушуна мезгил кутусу салынды. Бул тууралуу Президенттин Ош облусундагы өкүлчүлүгү билдирди. Курулуп жаткан имараттардын катарында Зулпуев айыл аймагындагы заманбап спорттук стадион, Кулатов айыл аймагындагы Апшыр-Ата орто мектеби, ошондой эле Эргешов жана Колдошев атындагы орто мектептер жана Уркуя Салиева атындагы тарыхый-маданий музей бар.
Ветеринардык көзөмөл посттору текшерилди

Ветеринардык көзөмөл посттору текшерилди

Баткен жана Ош облустарында мамлекеттик чек арадагы ветеринардык көзөмөл постторунун ишмердүүлүгү текшерилди. Бул тууралуу Айыл чарба министрлигинен билдиришти. Маалыматка ылайык, Ветеринария, мал чарбасын өнүктүрүү, жайыт жана тоют кызматынын директору А. Сотовалдиевдин иш сапарынын жүрүшүндө “Кызыл-Бел”, “Кызыл-Кыя” жана “Достук” мамлекеттик чек ара ветеринардык көзөмөл посттору, ошондой эле “Кара-Суу”