Жогорку Кеңеш Шабданбековду УКМК төрагалыгына дайындоого макулдук берди

Бүгүн Жогорку Кеңештин Эл аралык иштер, коргоо, коопсуздук жана миграция боюнча комитети Жумгалбек Шабданбековду Кыргыз Республикасынын Улуттук коопсуздук мамлекеттик комитетинин (УКМК) төрагасы кызматына дайындоого макулдук берүү маселесин карады. Бул тууралуу ЖКнын басма сөз кызматынан билдиришти.

Кыргыз Республикасынын Президентинин жана Министрлер Кабинетинин Жогорку Кеңештеги ыйгарым укуктуу өкүлү Бектур Зулпиев талапкер тууралуу маалымат берип өттү.

Комитет Жумгалбек Шабданбековду УКМК төрагасы кылып дайындоого макулдугун берди жана бул маселени Жогорку Кеңештин жалпы жыйынынын карашына жиберди.