Коом

Былтыр Баткенде 25 млн сомдук инфраструктуралык долбоорлор ишке ашты

Айгерим Качкынбекова

25 февр. 2026 16:14

Президенттин Баткен облусундагы ыйгарым укуктуу өкүлүнүн биринчи орун басары Бактыбек Токсонбаев 2025-жылы Облустук өнүктүрүү фонду тарабынан каржыланган долбоорлордун ишке ашырылышы менен жеринде таанышты. Бул тууралуу өкүлчүлүктүн басма сөз кызматы маалымдады.

Берилген маалыматка ылайык, өткөн жылы аймактагы инфраструктуралык долбоорлорду жүзөгө ашырууга жалпысынан 25 млн 401 миң 750 сом бөлүнгөн. Каржылоонун алкагында бир катар маанилүү иштер аткарылган.

Тактап айтканда, Сүлүктү шаардык ооруканасынын жылытуу системасы капиталдык оңдоодон өткөрүлдү. Кызыл-Кыя жана Баткен шаарларынын тазалык ишканалары жаңы атайын техникалар — заманбап көчө тазалоочу унаалар, оор жүк ташуучу КаМАЗ жана эвакуатор-манипулятор менен камсыз болду. Самаркандек айылындагы №34 лицейдин имараты оңдолуп, Раззаков шаарынын Ак-Булак жана Алтын-Бешик айылдарындагы ички көчөлөргө асфальт төшөлдү. Мындан тышкары, Баткен облустук Өзгөчө кырдаалдар башкармалыгына авариялык-куткаруу унаасы жана атайын жабдуулар сатылып алынды.

Ошондой эле ишкерликти өнүктүрүүнү колдоо максатында төрт ишкерге 5 жылдык мөөнөткө, жылдык 2%дык үстөк менен жалпы 18 млн сом өлчөмүндө жеңилдетилген насыя берилди.

Текшерүү учурунда Бактыбек Токсонбаев аткарылган иштердин сапатына өзгөчө көңүл буруп, социалдык-экономикалык маанидеги мындай долбоорлор 2026-жылы да ырааттуу улантыларын белгиледи.

Мындан тышкары окуңуз

Бишкекте №42 мектепке 385 орундуу кошумча корпус курулууда

Курулуш, архитектура жана турак жай-коммуналдык чарба министри Нурдан Орунтаев Бишкек шаарында курулуп жаткан билим берүү объектилерин кыдырып, №42 мектептин 385 орундуу жаңы окуу корпусунун курулушу менен таанышты. Бул тууралуу Курулуш министрлигинен билдиришти. Маалыматка таянсак, объекттин курулушу 2026-жылдын март айында башталып, республикалык бюджеттин эсебинен каржыланууда. Долбоорго ылайык, үч кабаттуу

Өзбекстандан Кыргызстандын карамагына эки айыл өттү

Бүгүнкү күндө Өзбекстан менен чек араларды демаркациялоо маалында мурда Өзбекстанга тиешелүү болуп келген эки айыл жашоочулары менен кошо (болжол менен 2500 адам) Кыргызстанга өттү. Бул тууралуу президенттин басма сөз катчысы билдирди. Маалыматка ылайык, мурда Фергана облусуна караштуу болуп келген Чоңгара жана Таш-Төбө айылдары Кыргызстандын карамагына өттү. Бул айылдарда этникалык

Баткенде мигранттардын долбоорлору аркылуу 100дөн ашык жумуш орду түзүлдү

Президенттин Баткен облусундагы өкүлү Мамыржан Рахимов Эл аралык миграция уюмунун Кыргызстандагы жана Казакстандагы өкүлдөрү менен жолугушту. Өкүлчүлүктүн маалыматына ылайык, делегация Баткенге Улуу Британиядан кайтып келген эмгек мигранттарынын ишкердик демилгелерин колдоо долбоорунун жыйынтыгын карашты. 2023–2025-жылдары “1+1” механизми аркылуу мекенге кайтып келген 59 жарандын бизнес-пландары каржыланып, алардын 39у

Баткенде селдин кесепетинен ичүүчү суу токтотулду

22-июнда Баткен шаарында катуу сел жүргөндөн кийин тургундар борборлоштурулган суу менен камсыздоодон убактылуу ажырашты. Бул тууралуу президенттин облустагы өкүлчүлүгүнөн маалымдашты. Жергиликтүү бийликтин маалыматына ылайык, нөшөрлөгөн жаандан жана анын кесепетинен электр энергиясынын өчүшүнөн улам шаардык резервуарларга суу жетиштүү көлөмдө топтолбой калган. Ушуга байланыштуу шаар боюнча ичүүчү сууну берүү убактылуу токтотулду.