С.Жапаров: Ипотекалык турак жай курууга 400 млн доллар бөлүнөт

Бүгүн “Ынтымак Ордодо” өтүп жаткан республикалык кеңешмеде Президент Садыр Жапаров быйыл ипотекалык турак жай курууга 400 млн доллар каралганын билдирди.

Анын айтымында, каражат тең бөлүштүрүлөт. 200 млн доллар түштүк аймактарына, 200 млн доллар түндүк аймактарына багытталат.

Мамлекет башчысы мындай ыкма былтыр да колдонулганын белгилеп, өлкөнүн түндүк жана түштүк аймактары бирдей өнүгүшү керектигин айтты.