Коом

Жерди көзөмөлдөө инспекторлору боди-камераларды колдоно баштайт

Айгерим Качкынбекова

Жерди көзөмөлдөө инспекторлору боди-камераларды колдоно баштайт

Кыргыз Республикасынын Президентинин 2024-жылдын 5-июнундагы №137 Жарлыгына ылайык, коррупцияга каршы күрөштү күчөтүү максатында Жерди жана сууну көзөмөлдөө кызматынын инспекторлору кызматтык милдеттерин аткарууда боди-камераларды колдонушат. Бул тууралуу Айыл чарба министрлигинен билдиришти.

Бул демилгенин алкагында инспекторлор үчүн боди-камераларды колдонуу тартиби жана техникалык мүмкүнчүлүктөрү боюнча түшүндүрүү иштери жүргүзүлдү. Адистер жабдууларды туура пайдалануу, маалыматтарды сактоо жана коопсуздук талаптарын аткаруу боюнча маалымат беришти.

Боди-камераларды колдонуу жарандар менен инспекторлордун ортосундагы өз ара аракеттенүүнүн ачыктыгын камсыз кылууга багытталган. Бул чара талаш-тартыштуу жагдайлардын алдын алууга жана коррупциялык көрүнүштөргө бөгөт коюуга өбөлгө түзөт.

Долбоор пилоттук негизде Бишкек шаары жана Чүй облусунда, ошондой эле Ош шаары жана Ош облусундагы аймактык башкармалыктарда ишке ашырылат.

Аталган кадам мамлекеттик көзөмөл органдарынын ишинин айкындуулугун жогорулатууга жана коомчулуктун ишенимин бекемдөөгө багытталган.

Жаңылыктар биздин Телеграмм каналда

Мындан тышкары окуңуз

Samsung C&T Кыргызстанга инвестиция салууга кызыкдар

Samsung C&T Кыргызстанга инвестиция салууга кызыкдар

Бүгүн Инвестициялар боюнча улуттук агенттиктин башчысы Равшанбек Сабиров Samsung C&T компаниясынын өкүлдөрү менен жолугушту. Бул тууралуу аталган агенттиктен билдиришти. Маалыматка ылайык, жолугушууда Samsung C&T компаниясынын ири инфраструктуралык долбоорлорду ишке ашыруудагы тажрыйбасы талкууланды. Тараптар компаниянын катышуусу менен Кыргызстанга инвестиция тартуу мүмкүнчүлүктөрүн жана биргелешкен долбоорлорду ишке ашыруу перспективаларын
Кыргызстанда мамлекеттик органдар менен интеграцияланган инвестициялар платформасы түзүлөт

Кыргызстанда мамлекеттик органдар менен интеграцияланган инвестициялар платформасы түзүлөт

Кыргызстанда инвестициялар үчүн бирдиктүү автоматташтырылган маалыматтык система (АМС) түзүү каралып жатканын Инвестициялар боюнча улуттук агенттиктин инвестицияларды тартуу жана аймактык өнүгүү башкармалыгынын башчысы Сухраб Разаков радионун эфиринде билдирди. Анын айтымында, платформаны ишке киргизүү 2026-жылга пландалган. Ал ишкерлерге жана инвесторлорго долбоорлорду ишке ашыруу үчүн аймактар (облустар, шаарлар жана айылдар) боюнча маалымат алууга
Бишкек–Ош унаа жолунда жаңы тоннелдин курулушуна даярдык башталды

Бишкек–Ош унаа жолунда жаңы тоннелдин курулушуна даярдык башталды

Бишкек – Ош унаа жолунун 400,1–400,8-чакырымдарында жаңы тоннелдин курулушун баштоого даярдык иштери активдүү жүрүүдө. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, долбоордун алкагында 409-чакырымда таш кулоодон коргоочу курулуштар, ал эми 451-чакырымда жер көчкүгө каршы тирөөч дубалдар орнотулат. Учурда объектте бетон заводу орнотулуп, кеңсе жана
Ысык-Көлдө нарколаборатория уюштурган кылмыштуу топ кармалды

Ысык-Көлдө нарколаборатория уюштурган кылмыштуу топ кармалды

Ысык-Көл облусунда баңгизат даярдап, сатуу менен алектенген кылмыштуу топтун иши токтотулду. Бул тууралуу УКМКдан билдиришти. Маалыматка ылайык, атайын операция облустук милиция кызматкерлери менен биргеликте жүргүзүлгөн. Тергөөнүн жүрүшүндө баңгизат каражаттарын жана психотроптук заттарды мыйзамсыз жүгүртүүгө тиешеси бар топ аныкталып, анын уюштуруучулары кармалган. Тинтүү учурунда нарколаборатория табылып, анда баңгизат даярдалганы белгилүү болду.