Чүй–Панфилов көчөлөрүнүн кесилишиндеги мыйзамсыз тосмо кайра алынды
Бишкек шаарынын Биринчи Май районунда Жер пайдаланууну контролдоо боюнча башкармалык Чүй проспектиси менен Панфилов көчөсүнүн кесилишинде мыйзамсыз орнотулган объектти демонтаждады.
Муниципалитеттин маалыматына ылайык, жакынкы үйлөрдүн жашоочулары муниципалдык аймакты өз алдынча тосуп, тосмо жана дарбаза орнотушкан.
Бул объект буга чейин да демонтаждалган, бирок кийин кайра орнотулган.
Акыркы демонтаждан кийин конструкциялар алынып, айып короосуна жеткирилди. Ээлери айып пулду жана чыгымдарды төлөгөндөн кийин алып кете алышат.
Муниципалдык аймакта мындай объекттерди орнотууга жол берилбейт.
