Бишкекте 20-апрелде айрым аймактарда суу өчүрүлөт
20-апрелде саат 09:00дөн 24:00гө чейин Бишкек шаарынын айрым аймактарында ичүүчү суу берүү убактылуу токтотулат. Бул тууралуу мэриядан билдиришти.
Суу турак үйлөргө, мектептерге, бала бакчаларга, саламаттык сактоо мекемелерине, ошондой эле башка социалдык-тиричилик жана өнөр жай объекттерине берилбейт.
Өчүрүү "Тепличный" суу топтомосунда жана шаардык суу түтүк тармактарында реконструкция иштерин жүргүзүүгө байланыштуу.
Суу өчүрүлө турган аймак төмөнкү көчөлөр менен чектелет: Ш. Баатыр проспектиси, Хивинская көчөсү (Лермонтов көчөсүнөн Ч. Валиханов көчөсүнө чейин), Достоевский көчөсү.
"Бишкексууканал" муниципалдык ишканасы келтирилген убактылуу ыңгайсыздыктар үчүн кечирим сурап, шаар тургундарын жана мекемелерди алдын ала ичүүчү суу камдап алууга чакырат.
Ошондой эле жарандар "Менин шаарым" тиркемесин жүктөп алып, пландалган жана авариялык суу өчүрүүлөр тууралуу өз убагында маалымат алып турууга болот.
