Курулуш объектилеринде дөңгөлөк жуучу жайлар текшерилүүдө
Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш контролдоо департаменти тарабынан курулуш объектилеринде санитардык жана техникалык талаптардын аткарылышына көзөмөл жүргүзүлүп жатат.
Ведомствонун маалыматына ылайык, курулуш аянтчаларында атайын техникалардын дөңгөлөктөрүн жуучу жайларды уюштуруу милдеттүү талап болуп саналат. Бул чара шаардагы жолдордун жана айлана-чөйрөнүн булгануусун алдын алууга багытталган.
Текшерүүлөрдүн негизги максаты — курулуш иштерин жүргүзүүдө санитардык талаптардын так сакталышын камсыз кылуу жана шаар көчөлөрүнүн булгануусуна жол бербөө.
Мамлекеттик архитектура-курулуш контролдоо департаменти курулуш компанияларын жана подрядчы уюмдарды белгиленген талаптарды так сактоого чакырат. Атап айтканда, атайын техникалар үчүн дөңгөлөк жуучу жайларды уюштуруу зарылдыгы эскертилет.
Белгиленген санитардык жана техникалык талаптар аткарылбаган учурда Кыргыз Республикасынын мыйзамдарына ылайык тиешелүү чаралар көрүлөт.
