Бишкектин айрым райондорунда 21-апрелде суу убактылуу өчүрүлөт
21-апрелде саат 09:00дөн 24:00гө чейин Бишкек шаарынын айрым аймактарында ичүүчү суу берүү убактылуу токтотулат.
Муниципалитеттен билдиришкендей, суу "Киркомстром" суу топтомосунда жана шаардык суу түтүк тармактарында реконструкция иштерин жүргүзүүгө байланыштуу өчүрүлөт.
Суу өчүрүлө турган аймак төмөнкү көчөлөр менен чектелет:
- Абакан көчөсү, Дэн Сяопин проспектиси, Кустанай көчөсү жана темир жол линиясы;
- Кустанай көчөсү, Профсоюз көчөсү, Волков көчөсү, Садыгалиев көчөсү, П. Лумумба көчөсү жана Дэн Сяопин проспектиси.
Өчүрүү турак үйлөрдү, мектептерди, бала бакчаларды, саламаттык сактоо мекемелерин жана башка социалдык-тиричилик, өндүрүш объектилерин камтыйт.
"Бишкексууканал" муниципалдык ишканасы жаралган ыңгайсыздыктар үчүн кечирим сурап, шаар тургундарын алдын ала ичүүчү суу камдап алууга чакырат.
Мындан тышкары, жарандар "Менин шаарым" мобилдик тиркемесин жүктөп алып, суу өчүрүүлөр тууралуу маалыматтарды өз убагында алып тура алышат.
