Нарында курулуш эрежелерин бузган компанияга 200 миң сом айып салынды
Нарын шаарында курулуп жаткан саркынды суу түтүктөрүнүн курулушу учурунда техникалык регламенттердин, курулуш ченемдеринин жана белгиленген эрежелердин талаптары толук сакталбагандыгы аныкталган. Курулуш, архитектура жана турак жай-коммуналдык чарба министрлигинен билдиришти.
Маалым болгондой, бул мыйзам бузуулар курулуш объектисиндеги коопсуздук талаптарына жана сапат стандарттарына түздөн-түз таасирин тийгизет.
Натыйжада курулуш иштерин жүргүзүп жаткан “China Road and Bridge Corporation in Kyrgyzstan” өкүлчүлүгүнө карата административдик чаралар көрүлүп, 200 миң сом өлчөмүндө айып пул салынды. Ошондой эле аныкталган мыйзам бузууларды жоюу боюнча милдеттүү көрсөтмөлөр берилди.
Мамлекеттик архитектура-курулуш контролдоо департаменти курулуш иштерин жүргүзгөн бардык тараптарды белгиленген талаптарды так сактоого чакырып, эрежелер бузулган учурда мыйзам чегинде чаралар көрүлөрүн эскертет.
