Тоңдо 100 орундуу бала бакча жыл аягына чейин пайдаланууга берилет
Ысык-Көл облусунун Тоң районуна караштуу Шор-Булак айылында 100 орундуу жаңы бала бакчанын курулушу жүрүп жатат. Бул тууралуу Курулуш министрлигинен билдиришти.
Маалыматка ылайык, курулуш иштери 2024-жылы республикалык бюджеттин эсебинен башталып, долбоордун жалпы наркы 83 миллион сомду түзөт.
Долбоорго ылайык, аянты 1404 чарчы метрди түзгөн эки кабаттуу бала бакча бардык заманбап талаптарга жооп берип, бөбөктөр үчүн ыңгайлуу шарттарды камсыз кылат.
Учурда курулуш-монтаждоо иштери “Компания Уста Групп” жоопкерчилиги чектелген коому тарабынан жүргүзүлүп, Турак жай-жарандык курулуш департаментинин көзөмөлүндө ишке ашырылууда.
Жаңы бала бакчанын пайдаланууга берилиши аймактагы мектепке чейинки билим берүү мекемелерине болгон муктаждыкты азайтууга өбөлгө түзөт.
