Кыргызстанда кант өндүрүшү жана рынокту жөнгө салуу маселелери талкууланды
Суу ресурстары, айыл чарба жана кайра иштетүү өнөр жайы министринин орун басары Р.К. Балтабаев МЭК САР өкүлү жана Агроөнөр жай комплексин өнүктүрүү ассоциациясынын "Кант" кластери боюнча жетекчиси Алмазбек Алтыбаев менен жолугушту. Бул тууралуу ведомстводон билдиришти.
Жолугушуунун жүрүшүндө тараптар кант өндүрүшү, анын ички рынокто сатылышы, ошондой эле тармактын экспорттук мүмкүнчүлүктөрүнө байланыштуу актуалдуу маселелерди талкуулашты. Өзгөчө көңүл бааларды жөнгө салуу механизмдерине жана рыноктун туруктуулугун камсыздоого бурулду.
Белгиленгендей, учурда кант рыногундагы абал туруктуу бойдон калууда. Ошол эле учурда тармактын мындан аркы өнүгүшүнө таасир этүүчү айрым тобокелчиликтер бар экени айтылып, аларды азайтуу боюнча мүмкүн болгон чаралар каралды.
Жолугушуунун жыйынтыгында тараптар кант тармагындагы туруктуулукту камсыз кылуу жана азык-түлүк коопсуздугун чыңдоо максатында мындан ары да өз ара кызматташууну улантууга жана аракеттерди координациялоого даяр экендиктерин билдиришти.
