Республикада жазгы талаачылык иштерине даярдык 89% түздү
Республиканын аймактарында быйылкы жазгы-талаа иштерине кызуу даярдык жүрүүдө. Айыл чарба өсүмдүктөрүн өз убагында жана сапаттуу айдоо-себүү иштерин жүргүзүү максатында техникаларды оңдоо жана калыбына келтирүү иштери активдүү жүргүзүлдү. Бул тууралуу Айыл чарба министрлигинен билдиришти.
Бүгүнкү күндө республика боюнча 97 миңден ашык айыл чарба техникасы катталган. Алардын ичинде 22 303 трактор, 11 563 соко, 3 497 үрөн сепкич, 15 467 мала, 855 жер семирткич чачкыч, 1 741 арык казгыч, 2 032 жер тегиздегич жана 8 926 трактор чиркегичи бар.
Учурда айыл чарба техникаларынын жалпы даярдыгы 89%ды түздү.
Тактап айтканда:
- 22 303 трактордун 20 863ү же 93,5%ы;
- соколордун 93,7%ы;
- үрөн сепкичтердин 93,5%ы;
- малалардын 94,8%ы;
- жер семирткич чачкычтардын 94,8%ы;
- арык казгычтардын 95,2%ы;
- жер тегиздегичтердин 93,6%ы;
- трактор чиркегичтеринин 90,5%ы жазгы талаа иштерине даяр болду.
Мындан тышкары, республика боюнча жазгы талаачылык өнөктүгүнө 8 миңден ашык жер айдоочу жана 3,5 миңден ашык себүүчү агрегаттар тартылган.
Айыл чарба министрлиги тарабынан жазгы талаа иштерин үзгүлтүксүз өткөрүү, дыйкандарды техникалык жактан камсыздоо жана талаа иштеринин сапатын жогорулатуу боюнча тиешелүү иштер улантылууда.
