Коом

Аламүдүндө Р-7 каналынын 1,5 чакырымы бетон менен капталды

Айгерим Качкынбекова

15 мая 2026 13:49

Аламүдүн районундагы Р-7 каналына бетон полотно төшөө иштери толугу менен аяктады. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.

Маалыматка ылайык, каналдын 1,5 чакырым аралыгына бетон полотно төшөлүп, жалпы аянты 13 675 чарчы метрди түздү.

Натыйжада учурда канал аркылуу 2 700 гектар айыл чарба жерин сугат суу менен камсыздоого мүмкүнчүлүк түзүлдү.

Министрликтин маалыматына караганда, аткарылган иштер сугат системасынын натыйжалуулугун жогорулатып, суу жоготууларын азайтууга жана дыйкандарды үзгүлтүксүз сугат суу менен камсыздоого шарт түзөт.

Ошондой эле Р-7 каналынын кошумча 0,8 чакырым тилкесине дагы бетон полотно төшөө иштери пландалууда. Жалпы аянты 7 220 чарчы метрди түзгөн бул иштерди 2026-жылдын IV кварталында бүтүрүү каралган.

Мындан тышкары окуңуз

Айрым жетекчилик кызматтарга дайындоо сынаксыз болот

Айрым жетекчилик кызматтарга дайындоо сынаксыз болот

Президент Садыр Жапаров мамлекеттик жана муниципалдык кызмат системасына өзгөртүү киргизген жарлыкка кол койду. Жаңы тартипке ылайык, учурда иштеп жаткан акимдер, алардын орун басарлары, мэрлер жана айыл өкмөт башчылары тең же төмөн кызматтарга сынаксыз дайындала алышат. Дайындоо 3 жумуш күнүнүн ичинде жүргүзүлөт. Ушундай эле тартип шаар мэрлеринин учурдагы орун басарларына да

Быйыл Кыргызстанда 80 миңден ашык окуучу мектепти аяктайт

Быйыл Кыргызстанда 80 миңден ашык окуучу мектепти аяктайт

Быйыл Кыргызстанда 80 миңден ашуун окуучу мектепти аяктайт. Бул тууралуу Агартуу министрлигинен билдиришти. Маалыматка ылайык, 2025-2026-окуу жылында 11-классты 80 миң 829 окуучу аяктаса, 9-классты 135 миң 979 окуучу бүтүрөт. Белгилей кетсек, өлкөнүн бардык мектептеринде акыркы коңгуроо салтанаты 29-майда өтөт.

Жумгал районунун акими болуп Жаныбек Исаков дайындалды

Жумгал районунун акими болуп Жаныбек Исаков дайындалды

Жаныбек Исаков Нарын облусунун Жумгал районунун акими болуп дайындалды. Бул тууралуу президенттин расмий сайтында маалымдалды. Жаныбек Исаков буга чейин президенттин Баткен облусундагы ыйгарым укуктуу өкүлүнүн орун басары, Кадамжай районунун акими болуп иштеген. Эске салсак, Жумгал районун бүгүнкү күнгө чейин Адыбек Набиев жетектеп келген. Кыргызстандын экономика, бизнес, финансы тармактары боюнча маалыматтарды,

Президент көп балалуу энелерди сыйлады

Президент көп балалуу энелерди сыйлады

Президент Садыр Жапаров көп балалуу энелерди “Баатыр эне” ордени жана “Эне даңкы” медалы менен сыйлады. Президенттик админстрациянын маалымат жана саясат бөлүмүнөн билдиришкендей, Мамлекет башчысы Садыр Жапаров көп балалуу энелерди мамлекеттик сыйлыктар менен сыйлоо тууралуу жарлыктарга кол койду. Жети жана андан көп баланы төрөгөн жана татыктуу тарбиялаган энелер “Баатыр эне” ордени