Коом

Кыргызстан менен Беларусь курулуш тармагын санариптештирүүнү талкуулады

Айгерим Качкынбекова

15 мая 2026 17:58

Курулуш, архитектура жана турак жай-коммуналдык чарба министрлигине караштуу Мамлекеттик экспертиза департаменти Беларусь Республикасынын “Башкы мамлекеттик курулуш экспертизасы” республикалык унитардык ишканасынын башкы директору Владимир Белоус жетектеген делегацияны кабыл алды.

Ведомствонун маалыматына ылайык, жолугушуунун жүрүшүндө тараптар курулуш тармагындагы мамлекеттик экспертизанын заманбап ыкмаларын жана санариптик өнүгүү багыттарын талкуулашты.

Атап айтканда, экспертизаны электрондук форматка өткөрүү, “Бирдиктүү терезе” принциби аркылуу комплекстүү экспертиза жүргүзүү, BIM-технологияларын жана заманбап программалык комплекстерди киргизүү маселелерине өзгөчө көңүл бурулду.

Ошондой эле курулуш тармагындагы ченемдик-укуктук базаны өркүндөтүү жана эки өлкөнүн эксперттик мекемелеринин ортосундагы тажрыйба алмашууну кеңейтүү боюнча пикир алышуу болду.

Белгилей кетсек, жолугушуу эки мекеменин ортосундагы кызматташтык тууралуу макулдашуунун алкагында өттү. Анда кыргыз тарап мамлекеттик экспертиза системасында жүргүзүлүп жаткан санариптик реформалар боюнча өз тажрыйбасы менен бөлүштү.

Жыйынтыгында тараптар мындан аркы өз ара пайдалуу кызматташтыкты өнүктүрүүгө даяр экендиктерин билдиришти.

Мындан тышкары окуңуз

Каракол шаарындагы чоң көчөлөрдүн бири оңдолот

Каракол шаарындагы негизги көчөлөрүнүн бири болгон Алышбаев көчөсүндө капиталдык оңдоо иштери жүргүзүлөт. Бул тууралуу Каракол шаардык мэриясынын басма сөз кызматы маалымдаады. Маалыматка ылайык, долбоордун алкагында Алышбаев көчөсү Карасаев көчөсүнөн баштап Чечерин көчөсүнө чейинки аралыгында узундугу 1 чакырым метр болгон жаңы эки тилкелүү асфальт жол курулат. Мындан тышкары, көчөнүн эки тарабына

Бишкек – Кант –Токмок жолуна асфальттын экинчи катмары төшөлүүдө

Бишкек – Кант – Токмок унаа жолуна асфальт басуу уланууда. Бул тууралуу Транспорт жана коммуникациялар министрлигинин маалымат кызматы билдирди. Маалыматка ылайык, учурда аталган унаа жолдо асфальттын экинчи катмарын төшөө иштери кызуу жүрүп, 2 чакырымына асфальт басылып бүттү. Аны менен катар Лермонтов көчөсүнөн баштап, Калинин көчөсүн көздөй ортодогу тосмолор орнотулуп жана жарыктандыруу мамычалары

Адал-индустриянын талаптарын бузгандарга айып пул салынат

Президент Садыр Жапаров «Укук бузуулар жөнүндө кодекске өзгөртүүлөрдү киргизүү тууралуу» мыйзамга кол койду. Жаңы мыйзамга ылайык, адал өндүрүмдөрдү жана адал кызматтарды өндүрүү, сактоо, ташуу, сертификаттоо жана жүгүртүү боюнча талаптарды бузгандарга административдик жоопкерчилик киргизилди. Ага ылайык, жеке жактарга 7 500 сом, юридикалык жактарга 23 миң сом айып пул каралган. Ал эми

Наталья Никитенко жаңы кызматка дайындалды

Наталья Никитенко Жогорку Кеңешке караштуу “Парламентти жана демократияны өнүктүрүү борбору” мамлекеттик мекемесинин директору болуп дайындалды. Жогорку Кеңештин басма сөз кызматынын маалыматына караганда, тиешелүү тескемеге парламент төрагасы Марлен Маматалиев кол койду. Белгилей кетсек, Наталья Никитенко V жана VI чакырылыштагы Жогорку Кеңештин депутаты болгон. Ошондой эле төраганын орун басарлык милдетин дагы аткарган.