Араванда өрүк бышып, сатыкка чыкты

Ош облусунун Араван районунда алгачкы өрүк түшүмү бышып, базарларга чыга баштады. Бул тууралуу Араван райондук агрардык өнүктүрүү башкармалыгы билдирди.

Маалыматка ылайык, районго караштуу Төө-Моюн айыл өкмөтүндө дыйкандар өрүктүн алгачкы түшүмүн жыйнап жатышат.

Учурда өрүктүн баасы 150-180 сомдон сатылууда.

Адистердин айтымында, быйылкы түшүмдүн сапаты жакшы болуп, түшүм жыйноо иштери этап-этабы менен уланат.