Манас шаарындагы мектепке 375 орундуу жаңы корпус курулууда
Президент Садыр Жапаровдун тапшырмасына ылайык, Курулуш министрлиги Манас шаарынын Достук муниципалдык конушундагы Б. Осмонов атындагы мектепке 375 орундуу кошумча корпус куруп жатат.
Ведомствонун маалыматына ылайык, долбоор мамлекеттик бюджеттин эсебинен каржыланып, курулуш иштерин жыл аягына чейин бүтүрүү пландалууда. Жаңы имарат 3 кабаттан туруп, жалпы аянты 2478 чарчы метрди түзөт.
Кошумча корпуста заманбап окуу класстары, жыйындар залы, лаборатория, китепкана жана ашкана каралган. Учурда экинчи кабаттын дубалын тургузуу иштери жүрүүдө.
Жаңы корпус пайдаланууга берилгенден кийин мектеп эки нөөмөт менен иштеп, 800гө жакын окуучуга шарт түзүлөт.
Белгилей кетсек, 1965-жылы курулган мектепте учурда 3 нөөмөт менен 3000ге жакын окуучу билим алууда.
