Бишкекте өтө турган One Run марафонуна 1200дөн ашык адам катталды
23-майда Бишкекте ири чуркоо долбоору болгон "Баатырлар лигасынын" алкагында өткөрүлүүчү One Run эл аралык жарым марафону өтөт. Бул тууралуу муниципалитеттен билдиришти.
Жарышка 1200дөн ашык адам катышат. Катышуучуларга төмөнкү аралыктар сунушталат: 1 км, 5 км, 10 км жана 21,1 км.
Жарым марафондун маршруту шаардын түштүк бөлүгү (Түштүк магистраль) аркылуу өтөт. Старт-финиш зонасы жана фан-күйөрмандар шаарчасы "Газпром" балдарга дене тарбия ден соолукту чыңдоо аймагында жайгашат.
Иш-чарага байланыштуу, 23-майда саат 6:30дан 13:00гө чейин жарыштын маршруту боюнча жол кыймылы убактылуу жабылат.
