Коом

Кибер кылмышка шектүү жаран кармалды

Ишкер Media

19 мая 2026 13:05

Бишкек шаарынын И.Э. аттуу жаран 2026-жылдын 2-февралында Telegram мессенжериндеги интернет-дүкөн аркылуу кийим-кече буйрутма кылып жатып, QR-код аркылуу «Оптима Банктагы» жаран М.К.нын эсебине 355 295 сом акча каражатын которгон. Жалпы сумма 7 транзакция аркылуу жөнөтүлгөн бирок тийиштүү товарга ээ болгон эмес.

Ушуга байланыштуу аталган жаран жазуу жүзүндө арыз менен алдамчылык фактысы тууралуу Биринчи май районунун ички иштер башкармалыгына кайрылып, анын негизинде ыкчам-иликтөө иш-чаралары жүргүзүлгөн. Милиция кызматкерлери шектүү катары 2002-жылы туулган жаран А.Т. экендигин аныктап, аны колго түшүрүшкөн.

Бишкек шаарынын ИИББнын Басма сөз кызматынын маалыматына караганда, тергөөнүн жүрүшүндө кармалган жаран мурда КРнын Кылмыш-жаза кодексинин «Тоноо» жана «Уурулук» беренелери боюнча соттолгону аныкталды. Ошондой эле, анын кибер алдамчылыкка байланыштуу бир нече кылмыш иштеринде шектүү катары өтүп жатканы белгилүү болду.

Аталган факт боюнча КРнын Кылмыш-жаза кодексинин 209-беренесине («Алдамчылык») ылайык кылмыш иши козголуп, кармалган жарандын Бишкек шаарынын аймагында ушул сыяктуу башка кылмыштарга тиешеси бар же жоктугу азыр текшерилүүдө.

Бишкек шаарынын ИИББнын Кылмыш иликтөө башкармалыгы интернет аркылуу сатып алууларды жүргүзүүдө сак болууга жана текшерилбеген адамдарга акча каражаттарын которбоого чакырат. Бир гана ишенимдүү соода аянтчаларын пайдаланып, алдамчылыкка шек жаралган учурда дароо ички иштер органдарына же «102» номерине кайрылуу сунушталат.

Мындан тышкары окуңуз

Адал-индустриянын талаптарын бузгандарга айып пул салынат

Президент Садыр Жапаров «Укук бузуулар жөнүндө кодекске өзгөртүүлөрдү киргизүү тууралуу» мыйзамга кол койду. Жаңы мыйзамга ылайык, адал өндүрүмдөрдү жана адал кызматтарды өндүрүү, сактоо, ташуу, сертификаттоо жана жүгүртүү боюнча талаптарды бузгандарга административдик жоопкерчилик киргизилди. Ага ылайык, жеке жактарга 7 500 сом, юридикалык жактарга 23 миң сом айып пул каралган. Ал эми

Наталья Никитенко жаңы кызматка дайындалды

Наталья Никитенко Жогорку Кеңешке караштуу “Парламентти жана демократияны өнүктүрүү борбору” мамлекеттик мекемесинин директору болуп дайындалды. Жогорку Кеңештин басма сөз кызматынын маалыматына караганда, тиешелүү тескемеге парламент төрагасы Марлен Маматалиев кол койду. Белгилей кетсек, Наталья Никитенко V жана VI чакырылыштагы Жогорку Кеңештин депутаты болгон. Ошондой эле төраганын орун басарлык милдетин дагы аткарган.

Ортоазиялык кундузду мыйзамсыз аткандарга 20 миң сом айып салынат

Жаратылыш ресурстары, экология жана техникалык көзөмөл министрлиги мыйзамсыз аңчылыкка каршы күрөштү күчөтүп жатканын билдирди. Ведомствонун маалыматына ылайык, өлкө аймагында жаныбарлар дүйнөсүн коргоо жана браконьерликке бөгөт коюу максатында туруктуу негизде рейддер жана текшерүүлөр жүргүзүлүүдө. Ошондой эле жарандардан түшкөн маалыматтардын негизинде да мыйзам бузуулар аныкталып, тиешелүү чаралар көрүлүп жатат. Министрлик Кызыл китепке

Бийик тоолуу аймакта жашагандар үчүн компенсациялар каралат

5-июнда бийик тоолуу аймактарда, алыскы барууга кыйын жана айрым бийик тоолуу калктуу конуштарында жашаган адамдарга кепилдиктерди жана компенсацияларды колдонууну жөнгө салуу жөнүндө токтом кабыл алынды. Бул тууралуу Эмгек, социалдык камсыздоо жана миграция министрлигинин басма сөз кызматы билдирди. Аталган ченемдик укуктук актылар Кыргыз Республикасынын “Бийик тоолуу шарттарда жана алыскы барууга кыйын