Ошто быйыл 13 жаңы сквер пайдаланууга берилет
Ош шаарын жашыл шаарга айландыруу максатында быйыл 13 жаңы сквер курулуп жатат. Бул тууралуу мэриянын маалыматтык камсыздоо бөлүмү билдирди.
Маалыматка ылайык, учурда скверлерди куруу иштери соңку этапка өтүп, аймактарды жашылдандыруу, гүл жана көчөт отургузуу иштери жүрүүдө. Жаңы эс алуу жайлары июнь айында пайдаланууга берилет.
Белгиленгендей, скверлердеги жашыл зоналар заманбап тамчылатып сугаруу системасы аркылуу сугарылат. Ал эми гүлдөр шаардагы жашылдандыруу комбинатынын өздүк чарбасынан алынып келинүүдө.
Учурда скверлерге 400 түп гортензия гүлү отургузулууда.
