Ала-Арча жаратылыш паркындагы асма жолдор убактылуу иштебейт
Ала-Арча жаратылыш паркындагы асма жол убактылуу иштебейт. Бул тууралуу аталган парктын социалдык тармактагы баракчасына жарыяланды.
Маалыматка ылайык, “Хан-Тенгри” канат жолу 18-майдан 26-майга чейин иштебейт.
Бул аралыкта төмөнкү иштер жүргүзүлөт:
пландуу техникалык иштер;
жабдууларды модернизациялоо;
механизмдерди майлоо жана тейлөө;
курулуш жана санитардык иштер;
ишембилик жана аймакты көрктөндүрүү.
“Бардык иштер сиздердин ыңгайлуулугуңуздар, коопсуздугуңуздар жана эс алууңуздарды мындан да жагымдуу кылуу үчүн жүргүзүлүүдө”, – маалымдашты.
