Караколдогу Пушкин атындагы эс алуу багы жаңыланууда

Курулуш министрлигинин алдындагы “Кыргызкурулуш” мамлекеттик ишканасы тарабынан Каракол шаарындагы А.С. Пушкин атындагы 7,5 гектар болгон эс алуу багы жаңыланууда. Бул тууралуу ведомстводон билдиришти.

Маалыматка ылайык, жаңылоо иштери республикалык бюджеттин эсебинен каржыланып, быйылкы жылдын февраль айында башталган. Учурда аймакта тамактануу жайларынын курулушу жүрүп жатат.

Долбоордун алкагында паркка 12 жаңы аттракцион, кичи тамактануучу жайлар, лабиринт жана оргумалар орнотулат. Ошондой эле шахмат жана баскетбол аянтчалары салынып, көрктөндүрүү иштери жүргүзүлөт.

Реконструкция иштерин “РБН Азамат групп” ЖЧКсы аткарууда.