Нарында мыйзамсыз сакталган ок атуучу куралдар табылды
Нарын облусунда мыйзамсыз курал сактоого шектелген жарандар аныкталды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, ок атуучу куралдарды, ок-дарыларды жана жарылуучу заттарды мыйзамсыз жүгүртүүгө каршы жүргүзүлгөн ыкчам-издөө иш-чараларынын алкагында эки жарандын үйүндө тинтүү жүргүзүлгөн.
Анын жыйынтыгында М.Н.Т. жана М.Т.Т. аттуу жарандардын жашаган жеринен мыйзамсыз сакталган ок атуучу куралдар табылып, алынган.
Учурда бул факт боюнча тергөө жана ыкчам-иликтөө иш-чаралары уланууда.
