Кыргызстанда 500гө жакын кен лицензиясы токтотулду жана жокко чыгарылды
Кыргызстандын Жаратылыш ресурстары, экология жана техникалык көзөмөл министрлиги жер казынасын пайдалануу укугуна берилген лицензияларды масштабдуу инвентаризациядан өткөрдү.
Министрликтин маалыматына ылайык, текшерүүнүн алкагында жер казынасын пайдаланууга берилген 1981 колдонуудагы лицензия каралган. Анын жыйынтыгында лицензиялардын жана лицензиялык келишимдердин шарттарын бузган 836 учур аныкталды.
Көрүлгөн чаралардын негизинде 500гө жакын лицензиянын иши убактылуу токтотулуп же толугу менен жокко чыгарылган.
Текшерүү учурунда эң көп кездешкен мыйзам бузуулар катары рекультивациялык эсептер боюнча маалыматтардын жоктугу, бонустарды төлөө милдеттенмелеринин аткарылбашы, лицензиялардын мөөнөтүнүн өтүп кетиши жана башка лицензиялык талаптардын сакталбаганы белгиленди.
Министрлик Кыргыз геология кызматына жер казынасын пайдалануу жаатындагы мыйзамдардын аткарылышын көзөмөлдөөнү күчөтүп, аныкталган мыйза
