“Ак-Булак” курорттук шаарчасын курууга даярдык башталды
“Ала-Тоо Резорт” мамлекеттик долбоорунун алкагында “Ак-Булак” курорттук шаарчасын курууга даярдык иштери башталды. Бул тууралуу “Ала-Тоо Резорт” ААК билдирди.
Маалыматка ылайык, долбоор “Жыл бою иштей турган “Ала-Тоо Резорт” тоо кластери” мамлекеттик долбоорунун экинчи этабынын алкагында ишке ашырылууда.
Учурда “Ала-Тоо Резорт” ААКтын өкүлдөрү INPUT жана Doppelmayr австриялык компанияларынын адистери менен биргеликте келечектеги курорттук шаарчанын аймагында көчмө жумушчу кеңешмелерди өткөрүп жатышат.
Анын алкагында аймакка комплекстүү баа берүү жүргүзүлүп, инфраструктураны өнүктүрүүнүн негизги багыттары аныкталууда.
Ошондой эле австриялык компаниялардын эксперттери жалпы мастер-пландын негизинде “Ак-Булак” курорттук шаарчасынын концепциясын иштеп чыгып, даярдашат.
