Бишкекте 28-майда суу берүү убактылуу токтотулат
28-майда саат 10:00дөн 00:00гө чейин Бишкектин айрым аймактарында ичүүчү суу берүү убактылуу токтотулат.
“Бишкексууканал” муниципалдык ишканасынын маалыматына ылайык, өчүрүү Чыңгыз Айтматов проспектиси, Ахунбаев, Руставели, Баатыр, Джунусалиев, Грибоедов, Садырбаев, Коперник, Курчатов, Ташауз жана Айни көчөлөрү менен чектеш аймактарда жүргүзүлөт.
Суу берүү турак жай имараттарында, мектептерде, бала бакчаларда, саламаттык сактоо мекемелеринде жана башка социалдык-өнөр жай объектилеринде токтотулат.
Маалыматка ылайык, өчүрүү Шота Руставели көчөсүндөгү диаметри 300 мм болгон суу түтүгүн көчүрүү иштерине байланыштуу болууда.
“Бишкексууканал” ишканасы жарандарды жана мекемелерди ичүүчү сууну алдын ала камдап алууга чакырып, жаралган ыңгайсыздыктар үчүн кечирим сурады.
