ИФАД Кыргызстандагы мал чарба долбоорлорун колдоону күчөтөт
Суу ресурстары, айыл чарба жана кайра иштетүү өнөр жайы министрлигинде министрдин биринчи орун басары Марсбек уулу Илич жана министрдин орун басары Мирбек Дуйшеев Эл аралык айыл чарбасын өнүктүрүү фондунун (ИФАД) өкүлдөрү менен жолугушуу өткөрдү.
Ведомствонун маалыматына ылайык, жолугушууга ИФАДдын Жакынкы Чыгыш, Түндүк Африка, Европа жана Борбор Азия боюнча регионалдык директору Науфель Телахиг жана уюмдун Кыргызстандагы директору Лаура Маттиоли катышты.
Тараптар Кыргыз Республикасы менен ИФАДдын ортосундагы кызматташтыктын учурдагы абалын жана келечектеги багыттарын талкуулашты.
Өзгөчө көңүл ишке ашырылып жаткан айыл чарба долбоорлоруна жана жаңы демилгелерге бурулду. Алардын катарында “Мал чарбасын жана рынокту өнүктүрүү – III” долбоору, ошондой эле жайыттардын туруктуулугун жогорулатууга жана айыл аймактарын өнүктүрүүгө багытталган “АЛАТОО” долбоору бар.
Жолугушуунун жыйынтыгында тараптар өнөктөштүктү мындан ары чыңдоого жана кызматташтыкты кеңейтүүгө кызыкдар экенин билдиришти.
