КМШ өлкөлөрү коопсуздук боюнча кызматташууну күчөтүүнү талкуулашты
Улуттук коопсуздук мамлекеттик комитетинин төрагасы Жумгалбек Шабданбеков 25-май күнү Иркутск шаарында өткөн КМШга мүчө мамлекеттердин коопсуздук органдарынын жана атайын кызматтарынын жетекчилеринин кеңешинин 58-жыйынына катышты.
УКМКнын маалыматына ылайык, иш-чарага КМШ өлкөлөрүнүн компетенттүү органдарынын жетекчилери жана эл аралык уюмдардын өкүлдөрү катышып, аймактык жана эл аралык коопсуздук маселелерин талкуулашты.
Жыйындын жүрүшүндө Жумгалбек Шабданбеков баяндама жасап, азыркы чакырыктар жана коркунучтар шартында КМШ өлкөлөрүнүн атайын кызматтарынын ортосундагы кызматташтыкты күчөтүүнүн маанилүүлүгүн белгиледи.
Ал ошондой эле эл аралык коопсуздукту камсыз кылууда биргелешкен аракеттерди жана тыгыз кесипкөй диалогду өнүктүрүү зарылдыгына токтолду.
Жолугушуунун жыйынтыгында катышуучулар Шериктештик аймагындагы коопсуздукту жана туруктуулукту бекемдөө боюнча кызматташууну улантууга даяр экендиктерин билдиришти.
