28-майда Бишкектин айрым аймактарында суу убактылуу өчүрүлөт
2026-жылдын 28-майында Бишкек шаарынын айрым аймактарында оңдоо жана реконструкция иштерине байланыштуу, ичүүчү суу убактылуу токтотулат. Бул тууралуу "Бишкексууканалы" МИнан маалымдашты.
Ага ылайык, саат 09:00дөн 23:00гө чейин Куланак көчөсү – Молдокулов көчөсү – Куйручук көчөсү – Ахунбаев көчөсү менен чектешкен аймакта турак жайларга, мектептерге, бала бакчаларга, саламаттыкты сактоо жана башка социалдык-өнөр жай объектилерине суу берилбейт. Өчүрүү Д-225 мм суу түтүгүндөгү авариялык оңдоо иштерине байланыштуу жүргүзүлөт.
Мындан тышкары, саат 10:00дөн 00:00гө чейин Чыңгыз Айтматов проспектиси – Ахунбаев көчөсү – Руставели көчөсү – А. Баатыр көчөсү – Джунусалиев көчөсү – Грибоедов көчөсү – Садырбаев көчөсү – Коперник көчөсү – Курчатов көчөсү – Ташауз көчөсү – Айни көчөсү менен чектешкен аймактарда да суу берүү убактылуу токтотулат. Бул өчүрүү Руставели көчөсүндөгү диаметри 300 мм болгон суу түтүгүн көчүрүү иштерине байланыштуу экени айтылды.
Ишкана шаар тургундарынан жана мекеме-ишканалардан ичүүчү сууну алдын ала камдап алууну сунуштайт. Ошондой эле «Менин шаарым» тиркемесин жүктөп алып, ичүүчү суунун пландуу жана авариялык өчүрүүлөрү тууралуу билдирмелерди алып турууга чакырат.
