Экологияга зыян келтиргендерге карата 235 миң сом айып пул салынды
Экологиялык жана техникалык көзөмөл кызматы 20-майдан 30-майга чейин экологиялык коопсуздукту камсыз кылуу жана айлана-чөйрөнү коргоо жаатында рейддик, алдын алуу жана көзөмөл иш-чаралары жүргүздү. Бул тууралуу аталгган кызматтын басма сөз кызматы билдирди.
Маалыматка ылайык, иш-чаралардын жүрүшүндө туристтик инфраструктуранын объектилери, чарба жүргүзүүчү субъекттер, таштандыларды жайгаштыруу жайлары, ошондой эле тазалоочу курулмалар текшерилди. Экологиялык коопсуздук талаптарын сактоо, айлана-чөйрөнүн булганышын алдын алуу, суу коргоо режимин сактоо, өндүрүш жана керектөө калдыктары менен иштөө, ошондой эле тазалоочу курулмалардын иштеши маселелерине өзгөчө көңүл бурулду.
Жүргүзүлгөн иштердин жыйынтыгында 30 протокол түзүлүп, жалпы суммасы 235 000 сомду түзгөн айып пулдар салынды.
Ошол эле учурда чарба жүргүзүүчү субъекттердин өкүлдөрүнө экологиялык талаптарды сактоо жана айлана-чөйрөнү коргоо жаатындагы мыйзам бузууларга жол бербөө боюнча түшүндүрүү жана алдын алуу иштери жүргүзүлдү.
