“Манас” аба майданынын аянты 20 миң чарчы метрге кеңейтилүүдө
МинКаб Төрагасына аба майдандын инфраструктурасын модернизациялоо боюнча жүргүзүлүп жаткан иштер тууралуу маалымат берилди, ал учуу коопсуздугун жогорулатуу, өлкөнүн транспорттук мүмкүнчүлүктөрүн кеңейтүү, эл аралык авиациялык картадагы позициясын бекемдөөгө багытталган.
Аба майдан комплексин масштабдуу оңдоп-түзөөнүн алкагында терминал 20 миң чарчы метрге кеңейтилүүдө. Курулуштун бардык фазалары аяктагандан кийин терминалдын жалпы аянты болжол менен 60 000 чарчы метрди түзөт. Жаңы терминал аба майдандын өткөрүү мүмкүнчүлүгүн бир топ жогорулатып, жүргүнчүлөрдү тейлөөнүн сапатын жакшыртып, эл аралык стандарттарга жооп берген шарттарды түзөт.
“Манас” аба майданы учуу-конуу тилкесин капиталдык оңдоодон өткөрдү жана CAT III заманбап жарыктандыруу системасын орнотту, бул коюу туманда жана көрүү чектелген учурда да учуу иштерин жүргүзүүгө мүмкүндүк берет. Жабык унаа токтотуучу жайдын курулушу жүрүп жатат.
Кошумчалай кетсек, аба майданга жаңы кирүүчү жолдун курулушу жүрүп жатат, ал аба майдандын өткөрүү мүмкүнчүлүгүн жогорулатат, кыймылдын коопсуздугун камсыздайт жана терминалга жүргүнчүлөр үчүн ыңгайлуу шарттарды түзөт. Унаа токтотуучу жай менен аба майдандын терминалынын ортосунда аба ырайынын шарттарына карабастан жыл бою жүргүнчүлөрдүн ыңгайлуу кыймылын камсыз кылуучу жабык жөө адамдар өтүүчү жол курулат.
