Коом

Туруктуу өнүгүү долбоору: Отуз-Адырда ири таза суу тутуму ишке кирди

Айгерим Качкынбекова

Туруктуу өнүгүү долбоору: Отуз-Адырда ири таза суу тутуму ишке кирди

Ош облусунун Кара-Суу районундагы Отуз-Адыр айылында Коомчулукту өнүктүрүү жана инвестициялоо агенттиги (АРИС) тарабынан ишке ашырылган "Айылды суу менен камсыз кылуу жана санитарияны туруктуу өнүктүрүү" долбоорунун алкагында таза суу менен камсыздоо тутумунун техникалык ачылышы болуп өттү.

Долбоор Министрлер кабинети менен Дүйнөлүк банк тарабынан каржыланып, АРИС тарабынан ишке ашырылган. Салтанаттуу иш-чарага Суу ресурстары, айыл чарба жана кайра иштетүү өнөр жайы министри Эрлист Акунбеков, Дүйнөлүк банктын «Планета» багыты боюнча вице-президенти Гуанчжэ Чэнь, Дүйнөлүк банктын Кыргызстандагы өкүлчүлүгүнүн башчысы Хью Ридделл, АРИСтин аткаруучу директору Калыбек Жумадылов жана башка коноктор катышты.

АРИС ишке ашырган "Отуз-Адыр" чакан долбоору Кара-Суу районунун 12 айылын камтыды. Жалпы баасы 541,7 миллион сомду түзгөн долбоордун алкагында 140 чакырымдан ашуун магистралдык жана бөлүштүрүүчү суу түтүктөрү курулуп, 22 миңден ашуун тургун сапаттуу ичүүчү сууга туруктуу жете алат.

Мындан тышкары, коомдук мекемелерде санитардык-гигиеналык шарттар жакшыртылып, үй чарбаларына дагы гранттар берилди. Калк арасында суу менен камсыздоо, санитария жана гигиена боюнча түшүндүрүү жана окутуу иштери жүргүзүлдү.

Отуз-Адырдагы жаңыланган суу менен камсыздоо системасынын пайдаланууга берилиши АРИС ишке ашырып жаткан долбоорлордун алкагында аймактардын туруктуу өнүгүшүнө шарт түзүү багытындагы маанилүү иштердин бири болуп саналат.

Жаңылыктар биздин Телеграмм каналда

Мындан тышкары окуңуз

Таласта үрөнчүлүк борбордун өндүрүш жана экспорттук багыттары каралды

Таласта үрөнчүлүк борбордун өндүрүш жана экспорттук багыттары каралды

Суу ресурстары, айыл чарба жана кайра иштетүү өнөр жайы министринин орун басары Рустам Балтабаев Талас шаарындагы KVS айыл чарба кооперативинин ишмердүүлүгү менен таанышты. Бул тууралуу министрликтин басма сөз кызматы маалымдады. KVS кооперативи үрөнчүлүк жана айыл чарба өндүрүмдөрүн экспортко чыгаруу багытында иш алып барган алдыңкы ишканалардын бири болуп саналат. Ишкана негизинен
Кыргыз-Ата айыл аймагынын калкы сапаттуу ичүүчү суу менен камсыз болду

Кыргыз-Ата айыл аймагынын калкы сапаттуу ичүүчү суу менен камсыз болду

Ош облусунун Ноокат районундагы Кыргыз-Ата айыл аймагында Дүйнөлүк Банк каржылаган "Айылдык суу менен камсыздоо жана санитарияны туруктуу өнүктүрүү" долбоорунун алкагында ичүүчү суу тутуму жаңыланып, ишке берилди. Долбоор Кыргыз-Ата, Ак-Булак жана Борко айылдарын камтып, 22 миң 500дөн ашык тургунду сапаттуу ичүүчү суу менен камсыз кылууга багытталган.
Санарип кызматтары боюнча көчмө кеңеш берүү өткөрүлүүдө

Санарип кызматтары боюнча көчмө кеңеш берүү өткөрүлүүдө

Президенттин Иш башкармалыгына караштуу "Кызмат" жана "Түндүк" мамлекеттик мекемелери Ош шаарынын тургундары үчүн санарип кызматтары боюнча көчмө кеңеш берүү өткөрүүдө. Ош шаардык мэриясынын маалымат кызматынын айтымында, иш-чаранын жүрүшүндө адистер жарандарга "Түндүк" электрондук кызмат көрсөтүү порталын колдонуу, санарип документтерди алуу жана мамлекеттик кызматтарга онлайн
Улуттук коопсуздукка коркунуч жараткандар жарандыктан ажыратылат

Улуттук коопсуздукка коркунуч жараткандар жарандыктан ажыратылат

Президент Садыр Жапаров Кыргызстандын жарандыгы маселелерин кароо тартибине өзгөртүүлөрдү киргизген Жарлыкка кол койду. Бул тууралуу президенттик админстрациянын маалыматтык саясат бөлүмүнөн билдиришти. Жаңы тартипке ылайык, жарандык алуу жана андан чыгуу боюнча бардык документтер автоматташтырылган маалыматтык система аркылуу электрондук жана кагаз түрүндө таризделет. Мындан ары арыздар электрондук кол тамга менен да ырасталат.