Мыйзамсыз курулуш жүргүзгөн ишканаларга 1 млн сомдон ашык айып пул салынды
Мамлекеттик архитектура-курулуш көзөмөлдөө департаментинин Ысык-Көл аймактык башкармалыгы тарабынан Чолпон-Ата шаарында жүргүзүлгөн көзөмөлдөө иш-чараларынын жүрүшүндө бир катар коомдук тамактануу объектилеринде, конок үйлөрдө жана май куюучу жайда мыйзам бузуулар аныкталды.
Курулуш, архитектура жана турак жай-коммуналдык чарба министрлигинин маалыматына ылайык, объектилерде курулуш иштери уруксат берүүчү документтерсиз жүргүзүлүп, курулуш ченемдери жана техникалык талаптары сакталбай келген.
Курулуш иштерин жүргүзүп жаткан жеке ишкерлер А.М., Н. Б., “Интегра Констракшн”, “СХ” ЖЧКлары жана “Jolgo” ишканаларына жалпы суммасы 1 053 000 сом өлчөмүндө айып пул салынды.
Ошондой эле мыйзам бузууларды жоюу жана объектилерди белгиленген талаптарга ылайык келтирүү боюнча милдеттүү көрсөтмөлөр берилди.
