Бакыт Төрөбаев Ош шаарындагы өндүрүштүк аймактарды текшерди

7-июлда президенттин өзгөчө тапшырмалар боюнча атайын өкүлү Бакыт Төрөбаев Ош шаарына иш сапары менен келди. Иш сапардын жүрүшүндө Ош шаарынын мэри Жанарбек Акаев менен бирге шаардын аймагында курулуп жаткан ири өнөр жай долбоорлорунун жүрүшү менен таанышышты. Бул тууралуу Ош шаардык мэриясынан билдиришти.

Маалыматка ылайык, алгач “Агро өнөр жай комплекси” үчүн бөлүнгөн 71,35 га жер тилкеси жана комплекске суу чыгаруучу суу кампанын курулушун көрдү. Андан соң Кеңеш айылындагы “Тамак-аш өнөр жай аймагы” үчүн бөлүнгөн жер тилкеси жана “Барбол” кондитердик фабрикасы ЖЧКсынын жаңы өндүрүштүк комплексинин долбоору менен таанышты.“Оор өндүрүш аймагы” үчүн каралган 105 га жер тилкесин да жеринен көрдү. Соңунда “Эко Азык” ЖЧКсынын базасында курулуп жаткан соода-логистикалык борбордун курулушу менен таанышты. 

“Шаарда жаңы өндүрүштөрдү ачууну пландап жатабыз. Бул үчүн инвесторлорду тартууга мамлекеттик деңгээлде колдоо керек. Биздин башкы максат – жумуш орундарын түзүү жана өндүрүштүк маданиятты жогорулатуу” – деди Төрөбаев.

Өз кезегинде Бакыт Төрөбаев мамлекет тарабынан бардык колдоо көрсөтүлөрүн билдирип, долбоорлорду тездетүү тапшырмасын берди.