Ысык-Көлдөгү эс алуучу жайларга 700 миң сомдон ашык айып пул салынды
Ысык-Көл облусундагы бир катар эс алуу жайларында пландан тышкаркы текшерүү иштери жүргүзүлүп, анын жыйынтыгында 54 административдик протокол түзүлдү.
Жаратылыш ресурстары министрлигинин маалыматына ылайык, протоколдордун негизинде 767 000 сом өлчөмүндө айып пул салынды жана аныкталган мыйзам бузууларды ыкчам түрдө жоюу туурасында милдеттенмелер берилди.
Иш-чара Жаратылыш министрлигине караштуу Экологиялык жана техникалык көзөмөл кызматы жана Бишкек экологиялык прокуратурасы тарабынан жүргүзүлгөн.
Мындан тышкары башка эс алуу жайлары боюнча Экономика министрлигинин тиешелүү макулдугу алынгандан кийин пландан тышкаркы текшерүү иштери жүргүзүлөт.
