Бишкекте аптаптан улам көчөлөргө суу чачылууда

Бишкек шаарында абанын температурасынын жогорулашына байланыштуу "Тазалык" муниципалдык ишканасы атайын техникалардын жардамы менен жасалма фонтан түрүндө абаны нымдаштыруу иштерин жүргүзүүдө. Бул тууралуу мэриядан билдиришти.

Ишкананын маалыматына ылайык, бул иштерге 25 даана атайын техника тартылып, шаар көчөлөрүнө муздак суу чачылууда.

Мындай иш-чаралар асфальттын температурасын төмөндөтүүгө, абадагы чаңды азайтууга жана аптаптуу күндөрү шаар тургундары үчүн жагымдуураак шарт түзүүгө багытталган.