Кара-Сууда шагыл-кум өндүрүүчү завод текшерилди
Курулуш министрлигине караштуу Курулушта сертификаттоонун республикалык борборунун Түштүк аймактык башкармалыгынын адистери Ош облусунун Кара-Суу районунда жайгашкан шагыл жана кум өндүрүүчү заводдо текшерүү жүргүзүштү.
Министрликтин маалыматына ылайык, текшерүүнүн жүрүшүндө адистер өндүрүштүк технологиялык процессти карап чыгып, анын белгиленген техникалык талаптарга шайкештигин баалашты.
Ошондой эле өндүрүлгөн продукциядан сертификациялык лабораториялык сыноолорду өткөрүү үчүн үлгүлөр алынды.
Лабораториялык изилдөөлөрдүн жыйынтыгында продукциянын ченемдик документтердин талаптарына шайкештиги же шайкеш эместиги боюнча тиешелүү чечим кабыл алынары белгиленди.
