Бишкекте коомдук транспортто эми рейддер күчөтүлгөн тартипте өткөрүлүп
Жаңы окуу жылынын башталышына байланыштуу 15-сентябрдан баштап, рейддер күчөтүлгөн тартипте өткөрүлөт. Анын жүрүшүндө жүргүнчүлөргө накталай эмес төлөм жүргүзүүнүн тартиби түшүндүрүлүп, жол киренин төлөнүшүнө көзөмөл жүргүзүлөт. Бул тууралуу Бишкек шаарынын Транспорт департаментинен кабарлашты.
Билдирүүгө караганда, шаардык мэриянын Транспорт жана жол-транспорттук инфраструктура департаменти атайын контролёрлор жана “Тулпар” компаниясы менен биргеликте жүргүнчүлөр арасында байма-бай рейддерди өткөрүп келет.
Буга чейин жүргүзүлгөн системалуу түшүндүрүү иштеринин натыйжасында жол кирени төлөөгө байланыштуу көйгөйлөр бара-бара азайып, жүргүнчүлөрдүн электрондук төлөм системасын колдонуу деңгээли жогорулап баштагандыгы айтылууда.
