Чүй облусунда 750 орундуу жаңы мектеп курулуп бүттү
Президент Садыр Жапаровдун тапшырмасы менен Кашка-Баш айылында 750 орундуу жаңы мектептин курулушу аяктады. Бул тууралуу Курулуш министрлиги кабарлады.
Маалыматка караганда, долбоор аталган министрлик тарабынан ишке ашырылды. Аянты 8 миң чарчы метрден ашкан мектептин курулушу 2026-жылдын февралында башталган. Азыр ичинде тазалоо жана эмерек орнотуу иштери жүрүүдө.
Мектепте балдар үчүн бардык шарт түзүлгөн: эки футбол талаасы, волейбол жана баскетбол аянтчалары, алты тилкелүү чуркоо жолу жана жашыл эс алуу зоналары бар.
Бул - Кашка-Баш айылында 30 жылдан бери курулган алгачкы жаңы мектеп.
