Чет өлкөдө жүргөн 10 жаранга мыйзамсыз диплом жана аттестат берилген
Базар-Коргон районундагы №52 кесиптик лицейдин жооптуу кызмат адамдары 2024–2025-жылдары чет мамлекеттерде жүргөн 10 окуучуну окуу процессине катышкан катары көрсөтүп, тиешелүү документтерди жасалмалап, аларга окуу жайын бүтүргөндүгүн тастыктаган аттестат жана дипломдорду мыйзамсыз берип келгендиги аныкталды.
Мындай мыйзам бузуу билим берүү жаатындагы мыйзамдардын сакталышы боюнча жүргүзүлгөн текшерүүнүн натыйжасында, аталган райондун прокуратурасы тарабынан ачыкталгандыгын, Башкы прокуратурадан билдиришти.
Бул факты боюнча Кылмыш-жаза кодексинин 337-беренеси (кызмат абалын кыянаттык менен пайдалануу) менен кылмыш иши козголуп, тергөө амалдары жүргүзүлүүдө.
