Экономика минитсри Нью-Йоркто өткөн Каспий бизнес-форумуна катышты
22-сентябрда Нью-Йорк шаарында Экономика жана коммерция министри Бакыт Сыдыков VII Каспий бизнес-форумуна катышты. Бул тууралуу министрликтин басма сөз кызматы кабарлады.
Маалымдалгандай, форумда министр Ортоңку коридор Азия менен Европаны байланыштырган маанилүү экономикалык багыт экенин белгилеп, аны өнүктүрүү сооданы кеңейтүүгө, инвестиция тартууга жана аймактык байланыштарды чыңдоого өбөлгө түзөрүн айтты.
Өзгөчө көңүл Кытай-Кыргызстан-Өзбекстан темир жолун өнүктүрүүгө, аны башка транспорттук каттамдар менен интеграциялоого, чек ара жана бажы жол-жоболорун жакшыртууга жана соода процесстерин санариптештирүүгө бурулду.
Бакыт Сыдыков Ортоңку коридорду транзиттик каттам катары гана эмес, инвестицияларды, жаңы технологияларды жана туруктуу экономикалык өсүштү камсыз кылуучу маанилүү платформа катары кароо зарылдыгын белгиледи.
